لابغيت اوصف غرامك ماتكفيني الحروف

لابغيت اوصف غرامك ماتكفيني الحروف
ولابغيت اوصف غلاتك خان باحساسي الكلام

حبي لك يانور عيني فاق بالحب الوصوف
حبي لك اكبر من اني اوصفه بشوق و غرام

شفت لو مجنون ليلى يرجع و حبي يشوف
اشهد انه يعترفلي حبه من حبي ظلام

لو انا بسايقه بالحب والله اني اطوف
هذا لو انه تحدى ادري بيطلب سلام

لانه عارف ان حبي ماسكن في وسط جوف
لابشر لاجن قبلي ولابعد مليون عام

طيفك اللي لالفاني قلت ياحي الطيوف
يابعد ربعي و خلاني وبعد كل الانام

انت ساكن وسط قلبي و البشر كلهم ضيوف
انت في عيني وربي احلى من بدر التمام

احلف بخالق جبل..وادي .. سهل..ويا كهوف
اني والله كل ماشفتك عيوني ماتنام

سهر اتخيل عيونك وارتجف ماهو بخوف
ولا هو برد (ن) ياحبيبي رجفتي حب و هيام

واقضي كل الليل اناظر صوره و عيني تحوف
ليتك انت اللي بجنبي ماهي صوره و السلام

تدري لو الناس كلهم وقفوا ضدي وقوف
والله اني ماتركتك يوم ولو زاد الملام

جيت برتب غرامي وصفت اشواقي وصوف
من كثرها ياحبيبي فيني اختل النظام

روف في قلب (ن) يحبك يابعد خلاني روف
تكفى لاتقسى على قلبي انا بعدك حطام

في النهايه لي كلمة وكلها اربع حروف
بس والله انه معانيها ماتعدي أي كلام

ايه احبك دام عندي انتهت كل الوصوف
مالقيت الا أحبك شفتها احلى ختام





اهداء الى اغلا النـاس


اخوكم وحش اليابان

صح لساااااااانكـــ ...
تسلم .. ربي لايحرمنا منكــ .. ومن

احاسيسكــ .. الي تصور لنا بها .. شخصيتكــ..

الحلوة .. والقوية ..

واعتذر .. اذا طولت عليكــ

مشكوووووووور .. ..

تحيتي بسمة شهد ...

يسلموووو على مرورك العطر

وان شاء الله نشـوفك سخابيطك فـي هذا القسم


تقبلي مروري

اخوك وحش اليابان

مشكووور ...كلامك واااايد حلووو
تسلم ...الله يخليك ويعطيك العافية ..
ويريت تزودنا بقصايد أكثر وأكثر ...
لأنك شاعر من جد ويبي لك وسام للشاعر ...
تسلم لأنك قلت اللي في خاطرك ورويتنا اياه ...
تسلم يالشاعر المبدع ....
الله يحفظك ويحميك ....يالغلا
ومااقدر أقول أكثر من كذا لأنك بصراحة مبدع عن جد ويشرفنا ان يكون شاعر مبدع مثلك في هذا المنتدى ...

مشكور مرة ثانية

المدير العام

أج ــمل وأرق باقات ورودى
لردك الجميل ومرورك العطر
تــ ح ــياتيـ لكــ